ارشيف ثاني تلقوه

عزيزعندكم ونتوا أعزاز علي ..
بلاكم الدنيا ماتساوي شي...
عليكم غالي..
وعندكم ماكيف كيفي والي..
أنتوا هناي وفرحتي ودلالي..
نرتاح وين مامنكم رسالة تجي
--------------------------------------------------------------


مازلت شايلك مقام كبير
ومازلت كي تخطرعلي أنحير
ومازلت لك مشتاق
ومازلت كي تخطر أنزيد أشواق
ومازال مايحلي بلاك مذاق
ومازال من غيرك الحال ضرير
مازلت شايلك مقام كبير ‏
--------------------------------------------------------------------
عليك ينشدن بالحيل ..
يسالن علي مدعاك صبح وليل ..
حتى وياسك ياعزيز طويل ..
وبعد المسافة والجفا ذيبلهن ..
حتى وانت جافي ماعليك بديل ..
قاطع لوا الانظار وامبهدلهن ..
والبخت كيفك ياعزيز بخيل ..
مايريد من ليل الشقا ينشلهن .
------------------------------------------------------------------
مازلت كيف العادة ..
تخطر عليه العقل وان ارقاده.
ولاغبت لحظة ياكحيل هماده ..
بين الستاير والكنين سكنت.
اوشوقي وجفاك اوطول هجرك زاده ..
اودك علي شانه اوشانك صنت.
----------------------------------------------------------------
غيريجيني"
مازال في قلبي ان هو ناسيني
"نلقاله عزيز العذر

"غير نشوفه"
لا نريد عذر ولا نريد حلوفه"
اللي في غيابه كبدتي ملهوفه"
القاسي اللي ماحن كيف حنيني"
من غير عذر مقدرين اظروفه"
عندي عزيز وجيته ترضيني
----------------------------------------------------------------

ياسر سدت هي كبد درناها عليك اوفدت ..
واجد بكت منك وفيك اجدت..
نشفتها بالحيل راهي طابت..
" بلي جابت...!
هي كبد درناها عليك اوذابت
--------------------------------------------------------------
ياللي غلاك أوهام غير أسمعني
مجروح منك خاطري واجعني
! انت البادي والهجروالنسيان عندك عادي ٠
تميت في وادي وأنا في وادي!
شاريك وأنت مفارقني وبايعني وأتاريك خادعني وهواك موجعني !
--------------------------------------------------------------
يارازينا يالي بنارك فالغلاء كاوينا"
ويلي اطمعنا فيك بيش أتجينا"
تمسح دموع العين وتفرحنا"
أنكان عالبكاء واجد عليك بكينا"
اخطينا الدوج اوفالخلا نوحنا"
ياجارحنا انسيت الغلاء ننسوك حتي نحنا.
زايدعلينا بيش؟
----------------------------------------------------------------

موش كل من ضحك صاحب تقول انديرة وتعبا عليه برفقته تطمان
ولاكل من جاورإيعدالجيرةولاكل واحدينعطا الامان
وانت إنعدك مالتريس الخيرة وعابي عليك برفقتك مطمان٠
------------------------------------------------------------------

أناأبعد...
أناأتأخر...
ولكني أبد ما انسى...
ولا أجفى؟!
ظروف احيان تشغلني وتبعدني عن احبابي بس بصادق احساسي أمد الكف أنا واسألعسى المولى يخليهم لعين دوم ترجيهم..
----------------------------------------------------------
سلامين ياصاحب سلامي رده.........
سلام شوق من صاحبوديد لوده......
سلام اندزه سلام شوقلصاحب عزيز انعزه.....
سلام خوت ما في يومريح اتهزه.....
سلام ود للي كيف خوي انعده......
--------------------------------------------------------------
لجواد سيرتهم تعز عليا.
يستاهلو كل الاقدار هدية!
لجواد يامحلاهم.
سوا يخطروا ولايجيك نباهم.
تسعد اوتهنا انكان جيت احذاهم.
وبيك يفرحو هللي نظاف النية!
بعاد المواجع صاينين خطاهم.
وفي فضلهم كل الكلام شوية.
--------------------------------------------------------------
اوقات يضايق العقل ازمامه وتجي صورتك بينه وبين منامه
انت صورتك ماأجملها بكل المعاني ربنا كملها انت بسمتك تعجب اللي يقابلها تجلي علي قلوب الجاضرين غمامه وانت زعلتك تخرب بلاد بهلها
----------------------------------------------------------
ويش السبب ماقابلاتك عيني.
مشغول والا بالزعل ناسيني
وين ديارك ؟ اغيابك شغلني ماسمعت اخبارك
من قبل كاثرات اعذارك ونجاملك وانقول بكره اتجيني
غير اسمعني ! مجروح منك خاطري واااااااااااااجد
--------------------------------------------------------------
جت صورتك بينى وبين كتابى
٠تاعب ونقراء على الشهادة عابى
٠ماأنتكلم جايب كتابى نيتى أنتعلم
أنتى تشرحى وانا احذاك أمبلم
٠تلميذ فى فصلك قليل أغيابى٠
عيونك كما ليلة شتاء وامظلم٠
اسماح وتوارن فى هدوب مصابى٠
طايع اجبارى للجمال امسلم٠
رافع الراية واضحات اسبابى٠
كملت عمرى فى الغلاء انتعلم٠
خريج معاهد صوب مانك غابى¤
-----------------------------------------------------------------
مازلت نا القديم"
صاحب جفا نقدر عليه انصيم"
لا عيب لاسيات لاتحريم"
لا معاتبه لاحس لاضوضاء"
ولا ليش لاكنك ولا تكليم"
كثر الحديث إيسير فيه أخطا"
ولا أنريد نفتح باب سين وجيم"
ولا خير فالصاحب ان كان شكا
-----------------------------------------------------------------------
أصالة قالت :يامجنون موش أنا ليلة :
و الشاعر قال :أسمك أصالة والجمال جميلة ومجنون بيك وعارفك موش ليلة
بك مجنون اوعارف انك مانك اللي من دون شقره اوجميله اوفيك سود اعيون اوتيارك قوي جارف جرفني سيله :
ومجنون بيك اوعارفك مش ليلة
-------------------------------------------------------------------------
ياالعين تسكيبك عليه مذله
منحاش لاجا لابعث مرسال
ولاكل من سافر وصل بسم الله
ولاكل من طالب حقوقه نال
ولاكل عاشق ع الحبيب تخلا
ولاكل متزوج ايجوه اعيال
ولاكل من يسمع كلام ايعله
ولاكل متعلم يرد سؤال
-------------------------------------------------------------------------
مازال عندي صبر:
ومازلت نكمي في امواجع غبر
ومازلت للياسات حافر قبر
لكبار الكواين واتيين اوتاء
ومازال عندي كسر يبي جبر
لكسر الخواطر مالقيت دواء
ومازلت ناخذ من حياتي عبر
بين التعب والهم ومعاناء
-----------------------------------------------------------------------
مرايف عليك اليوم و امس وبكره
ارياف طيرله مده امسيب وكره
مرايف ديمه
لين الرياف عليك فات القيمه
بين الدقيقه واختها نفتكرهل
ومات الغلا مالياس هى الجريمة
حرام الزها هضاك يبقى ذكرى
----------------------------------------------------------------
عدي أنجوم الليل وحده وحده!
وزيدي اخلقي للغايبين أعذار !
وخلي ادموعك ينزلن بالجحده!
لاجل اعيون الشامتين اكثار!!!
-------------------------------------------------------------
ارجوك اتصل رانى عليك امرايف .
انموت موت من كثرة اريافى خايف...
يادلال انظارى.
نا فالغلاء مبيوع وانت شارى.
وعلى وين ماتخطر اتحوس افكارى.
ونرايف عليك وماعلى اترايف..
-------------------------------------------------------------
أزعما امرايفين ارياف كيف اريافي..... والا اريافكم بارد لهيبه طافي..
----------------------------------------------------------
رفيقي اللي شال الرحيل وعدى٠
وخلى عيوني ماتنام الليل٠٠
نا جيت طالب من وفاه ووده
٠وهو ماعرف قدري وفاه قليل٠
٠واللي مايعد الود ليش اتوده
٠قبله رحيلك كان تقدر شيل٠٠
-----------------------------------------------------------
مرايف عليكم خاطري شقاني وأنتم عليا أبعاد ياحباني نبي أنجيكم و أنشوفكم بالعين ونشاكيكم مشتاق راني من زمان عليكم من شوركم حتي خبر ماجاني .