السيمافروات الجديدة,,,,,, و التسبيح

السلام عليكم

حيث ان بلادنا ولت متطورة و درات السيمافروات (اشارة ضوئية) الجديدة متع العداد في كل مكان و انسوا انهم يصلحوا الطرق الاول الي تخلي كل واحد فينا يطلع عن طوره و يبدى يسب في المسؤولين و الي خلفوهم و نعتهم بكل انواع الحيوانات الاليفة .

و لاننا بحاجة لترويض انفسنا و تدريبها لكي تذكر الله في كل حين و على كل حال ، و باش تتعلم تحفظ نظرك وانت واقف في الاشارة بدل ما تقعد اتفنص في السيارات الي جنبك و الا الي وراك ، لقيت طريقة حبيت نشاركم بيها و هي انك اتفنص في الاشارة و اتبع التغير في الوقت و في نفس الوقت تسبح و الا تكبر و الا تستغفر و الا.......

و زي ما انتوا عارفين اقل اشارة مدتها 30 ثانية يعني هادي 30 تسبيحة و انت مقعمز و من غير ما تسرح . في الاول تلقاني بديت انعد معاها و بعدين بديت انمرن في روحي بدل العد انه نستغفر .

حبيت انشاركم هالفكرة و ان شاء الله ربي يعيننا على ذكره
منقول