bent libya
مشرفة الاقسام الادبية
عدد المساهمات : 23
المشاركات : 23
تاريخ التسجيل : 05/09/2009
 |  موضوع: من غناوي الرحى  الثلاثاء سبتمبر 15, 2009 4:05 pm | |
| من غناوي الرحى
يا سعد من قال حنّه
من بيتها جاوباته
تاريتها لأمّ جنّه
يا تعس من فارقاته
ــــــــــــــــــــــــــــ
اللي طلب يطلب الله
يقول يا كريم المعاطي
والعبد خلّيك منّه
لا يشيّعك لا يواطي
ـــــــــــــــــــــــــــــ
واحد توكّل على الله
وواحد وكيله ذراعه
واللي توكّل على الله
شري العزّ والذلّ باعه
ــــــــــــــــــــــــــــ
اللي بني يعرّض الساس
ويصُبّ الحجر شُغل قُوّه
واللي عرف يعرف الناس
أهل الكرمْ والمرُوّه
ــــــــــــــــــــــــــــ
ضنيت وما في الضني خير
ربّيتهم لين صاروا
محضّنه عليهم كما الطير
أويّن نبّتوا ريش .. طاروا | |
|
hane
مستجد
عدد المساهمات : 28
المشاركات : 28
تاريخ التسجيل : 11/09/2009
| | موضوع: رد: من غناوي الرحى الجمعة سبتمبر 25, 2009 4:07 am | |
| كلام جميل او ياريت اتشوفيلنا اغنية للنجع اتقول واحد اتنين ثلاثة عدوا
صوب خليل معاي شدوا
شدوا صوب خليل معاي
باش نصونوا صوب خليل
عندي للعاشق سهراية
باش يهون بيها الليل
مرهون صوبه يالاي
وبيته منه غير قليل....... شكرا جزيلا | |
|
