هذه قصيدة ( ياخاطر علي ) للشاعر المتميز مهدي بشير التمامي

هذه قصيدة ( ياخاطر علي ) للشاعر المتميز مهدي بشير التمامي ( مهندس المشاعر )
ولقد استخدم فيها الشاعر اسلوب فريد في الإلقاء أرجوا ان تنال إعجابكم ... وهي تلبية لطلبات الأعضاء وهدية لكل من يقرأها ..

ياخاطر علـيّ... زعما كي يجيك النوم ... نخطر عليك ياخــاطر عليّ ؟
نجي في بـالك ..... والا نسيتني ماعاد عليّ سوالك
أنظاري اجعنه حالهن ماو حالك .. بعد غلاك صفت صياف .. بعد غلاك يانا اللي
ياخاطـــر علـيّ ............ ياخاطـــر علـيّ
كي تجي لمنامك .... ولمّـد مهاليعك النوم ورامك
زعما صورتي تحضر تجي قدامك ..زعما شاغلك مطراي ياعزيز .. وإلا نسيتني؟
ياخاطـــر علـيّ ............ ياخاطـــر علـيّ
ياقديـم اللـوعه ..... على لوعتك ترقد العـين وتوعى
وهي فوق نيران الغلا مفروعه .. رقيقة على مسداك .. على رميص يانا كبيدتي
ياخاطـــر علـيّ ............ ياخاطـــر علـيّ
اللي دردرها ..... لعب سيلها وهيّض أمواج بحرها
قهرت عدوك في الغلا قاهرها ..الموح والرجا الطويل..إذبلن حال عيني وخاطري
ياخاطـــر علـيّ ............ ياخاطـــر علـيّ
خطورك علّـه ..... وأمرار وشقا مزّع افادي كله
حلب العين ماخلّى عليها بلّه .. ملدوعة غلا ميخود .. يشيب هذب عيني ومايجي
ياخاطـــر علـيّ ............ ياخاطـــر علـيّ
تخطـر ديما ..... ابعدك خاطري مالـه قرام عزيمه
بكي بعين من يوم لفراق عديمه .. وإن كاني بكيت بكيت.. سبايب دموعي لوعتي
ياخاطـــر علـيّ ............ ياخاطـــر علـيّ
ديما خاطـر ..... ونبكي عليك وماجبرلي خاطـر
دمعي اللي ديما تقول قواطر .. متبوع خاطري في الصوب .. ياخدوه وين ماياخد عليا
ياخاطـــر علـيّ ............ ياخاطـــر علـيّ


تحياتي
القبـــس
توقيع القبس


ليس م

قصيدة رائعة لصديق الشعر امهدي بشير

وادعو له الشفاء من مرضه


تحياتي...............السامر